--------------------------------------------------------------------------------
تعلمتها من أمي ماراح تندمون
صدقوني راح تحبونها مثلي يا بنات وحلوه لرمضان والعشاء
اول شي نقطع البطاطا دوائر رقيقه جدا (لازم الكميه تكفي لتغطيه البايركس من تحت و فوق) ثم نملحه
الحين نسوي حميسه الحم (بصل+لحم+ثوم قليل +ملح +كاري+فلفل اسود+دارسين ..مقدار البهارات تقريبا ملعقة سكر) لما ينشف ماء الحمسه نضع 2 ملعقة كبيره بقدونس مفروم
الحين نرص البطاطا الغير مطبوخه نص الكميه في قاع البايركس ثم نضع الحمسه ثم نسكرها باقي البطاطا
آخر شي نخلط حليب بودر مع ماء في كاس الخلاط (المقدار=كاس الخلاط) والحليب لايكون ثقيل ولا خفيف يعني متوسط
ثم نضعه في قدر على النار فقط للتدفئه ونكسر عليه 2 بيض ونحركه بمضرابة البيض والحليب بارد قبل ان يدفئ ونضع نص ملعقة سكر كاري ونخلط الى ان يدفئ ثم نصبه فوق الصينيه الى ان يرتفع فوق البطاطا بقليل جدا
الحين نوزع عليه ملعقه واحده كبيره زيت الطبخ ونرش عليه فلفل اسود ثم تدخل الفرن ونشعله من تحت ثم من فوق للتحمير
طبعا تنوكل مع خبز.. اذا اعجبتكم ادعوا لي ولامي بالجنة
موضوع: تعلمته من امي الله لا يحرمني منها 
الإثنين 19 يوليو 2010, 8:38 pm
